14 ВОЗАЧИ ЛИШЕНИ ОД СЛОБОДА: Двајца малолетници управувале мопеди без дозвола

Повеќето возачи немале положено возачки испит

Во текот на изминатото деноноќие, полициски службеници на различни локации низ државата лишиле од слобода 14 возачи поради сомнение за сторено кривично дело „безобѕирно управување возило“. Според МВР, 13 од нив управувале возила без да имаат положено возачки испит. Меѓу нив се З.Т. (39), М.Л. (22), Х.В. (23), Б.Ф. (24) од Скопје, Х.Д. (19) од Морани, М.Т. (29) од Прилеп, В.И. (18) од Битола, Р.Н. (47) од Брезница, И.Ѓ. (42) од Кочани, Г.Н. (46) од Кавадарци, Ш.Р. (34) од Тетово, Б.А. (26) од Гостивар и Л.Ф. (22) од Чегране. Л.Ф. дополнително удрил и во паркирано возило.

И малолетници возеле без возачка дозвола

Со двајца малолетници од Велес бил извршен службен разговор во присуство на родител, откако било утврдено дека управувале мопеди без возачка дозвола. Во одделен случај, Д.Ј. (39) од Делчево бил лишен од слобода затоа што управувал возило под дејство на алкохол. Од МВР информираат дека по целосното документирање на сите случаи ќе бидат поднесени соодветни кривични пријави. Полицијата повторно апелира до сите учесници во сообраќајот да ги почитуваат правилата и да не управуваат возило без положен возачки испит или под дејство на алкохол.