ФРАНЦИЈА ГО ПОТВРДИ ПРВИОТ СЛУЧАЈ НА ВИРУСОТ ШАМОНД: Пациент почина по заразување

Француските здравствени власти го пријавија првиот познат случај на зараза со вирусот Шамонда кај човек, откако пациент од околината на Лион починал во почетокот на октомври. Станува збор за маж во шеесеттите години, кој имал сериозно нарушен имунолошки систем и претходно здравствени проблеми. Вирусот главно ги погодува животните, особено говедата, овците и козите, а се пренесува преку каснување од ситни инсекти познати како мушички. Се претпоставува дека пациентот се заразил во источна Франција, каде што вирусот бил регистриран кај животни во текот на пролетта и летото.

Се истражува дали вирусот придонел за смртта

Здравствените експерти испитуваат дали инфекцијата предизвикала компликации што придонеле за смртта на пациентот, бидејќи тој веќе бил тешко болен. Случајот е пријавен до Светската здравствена организација и Европскиот центар за превенција и контрола на болести.

Нема индикации за опасност за пошироката јавност

Француските власти засега го оценуваат случајот како изолиран и наведуваат дека нема познат ризик за пошироката популација. Вирусот Шамонда првпат бил идентификуван во Нигерија во 1960-тите години, а во Европа годинава бил откриен кај животни. Засега нема докази за пренесување на вирусот од човек на човек, а истрагата треба да утврди повеќе детали за првата човечка инфекција.