Судијата Ѓоко Ристов добивал пари за стан од бабата и дедото, а мајка му ги запишувала сумите

На судењето сведочеше дедото, а вештакот се осврна на рачно испишаните суми

На денешното рочиште во Кривичниот суд во Скопје, во предметот против апелацискиот судија Ѓоко Ристов, сведочеше дедото на неговото семејство, кој одговараше на прашања од одбраната за купување стан. Според неговото сведочење, станот во Скопје бил со површина од околу 150 квадратни метри и чинел приближно 140.000 евра. Тој посочил дека на семејна средба било договорено двете семејства да учествуваат во финансирањето по половина, односно со по околу 70.000 евра. Сведокот рекол дека тој и сопругата учествувале и во опремувањето на станот, а со нотарска изјава било предвидено тој дополнително да биде впишан на нивниот внук.

Вештакот посочи дека мајката на Ристов ги испишувала ливчињата

На рочиштето сведочеше и вештакот Емилио Фришчиќ, кој се осврна на рачно испишаните ливчиња пронајдени во пакувањата со пари. Според неговото сведочење, мајката на Ристов била лицето што ги испишувало ливчињата, а вештакот објаснил дека при пишување може да останат епителни клетки што би можеле да се анализираат со ДНК-вештачење. Во предметот се води постапка против Ристов за противправно стекнување и прикривање имот и перење пари, откако во домот на неговите родители во Неготино биле пронајдени 350.000 евра. Следното рочиште е закажано за 3 ноември.