ДРОНОВИ ЌЕ ГО СНИМААТ СКОПЈЕ: МВР апелира граѓаните да ги отстранат возилата од паркингот кај МСУ

МВР со зголемено присуство на беспилотни летала по повод 23 Октомври

Министерството за внатрешни работи информира дека денеска, по повод државниот празник 23 Октомври – Денот на македонската револуционерна борба, ќе се користат беспилотни летала за снимање од воздух. Активностите се дел од планираните мерки за одбележување на празникот, при што на одредени локации во Скопје ќе биде забележливо зголемено присуство и движење на дронови.

Паркингот кај Музејот на современата уметност ќе биде обезбеден до 23:30 часот

Паркинг-просторот на Музејот на современата уметност ќе биде обезбеден од 10 до 23:30 часот за реализација на свеченост. МВР апелира до граѓаните да ги отстранат своите возила од паркингот во наведениот период. Од Министерството посочуваат дека станува збор за однапред планирани активности и бараат разбирање од граѓаните, со цел нивното непречено и безбедно спроведување.