ГОЛЕМ ПРАЗНИК ДЕНЕСКА: Православните верници го одбележуваат Свети Јован Крстител

Спомен на маченичката смрт

Православните верници денеска, 11 септември, го одбележуваат празникот Отсекување на главата на Свети Јован Крстител. Празникот е спомен на погубувањето на Свети Јован, еден од најзначајните старозаветни пророци и претеча на Исус Христос. Според христијанското предание, Јован бил погубен по наредба на цар Ирод, откако јавно го осудувал неговото неправедно однесување.

Ден на строг пост – Свети Јован Крстител

Овој празник има посебно значење во православната традиција и се одбележува со строг пост и молитва. Верниците се повикуваат денот да го поминат во духовно преиспитување, воздржување и молитва, во спомен на жртвата на Свети Јован. Празникот потсетува на неговата храброст да ја брани вистината и правдата, дури и кога тоа го довело во директен судир со власта.