НОВИ ГУЖВИ НА ГРАНИЦИТЕ КОН ЕУ? Од денес истекува олеснувањето за биометриските проверки

Од денес истекува олеснувањето за биометриските проверки

Патниците кои од денеска, 6 септември, патуваат кон земјите од Шенген зоната може да се соочат со подолги задржувања на границите поради истекувањето на привремените олеснувања поврзани со системот за влез и излез на ЕУ (EES). Самиот EES систем не почнува денес, туку е целосно оперативен на надворешните граници на Шенген зоната од 10 април 2026 година. До денес граничните власти можеа привремено да ги паузираат биометриските проверки, односно земањето отпечатоци и скенирањето на лицето, кога гужвите на одредени премини стануваа преголеми. Со истекот на оваа можност, патниците од земји надвор од ЕУ кои се опфатени со EES ќе треба да ги поминат предвидените биометриски проверки без оваа дополнителна флексибилност.

За кој е наменет EES?

EES е наменет за државјани на земји надвор од ЕУ кои патуваат на краток престој и при преминување на надворешната граница се регистрираат податоците од патната исправа, фотографија на лицето и отпечатоци од прсти. Туристичките и авиоиндустриските организации предупредуваат дека укинувањето на можноста за паузирање на биометриските проверки може повторно да создаде подолги редици на најфреквентните европски аеродроми и гранични премини.