ДЕЛ ОД ГТЦ ДЕНЕСКА БЕЗ ВОДА

Објектот на Градскиот трговски центар (ГТЦ) денеска ќе биде без вода поради интервенција на водоводната мрежа на улицата „Филип Втори“. Од Регионалниот центар за управување со кризи – Скопје информираат дека причината е промена на затворач со димензија Ф-80 милиметри. Прекинот во водоснабдувањето ќе започне во 11 часот.

Водата ќе биде исклучена до завршување на работите

Од РЦУК – Скопје посочуваат дека водоснабдувањето ќе биде прекинато сè додека не завршат работните активности. Засега не е наведен точен термин кога се очекува повторно да биде воспоставено снабдувањето со вода.