КРВАВА НОЌ ВО КСАМИЛ: Французин избоден на лежалка, осомничениот со криминално досие – наводно се скарале за девојка!?

20-годишниот Французин бил пронајден мртов покрај плажа во Ксамил

Дваесетгодишен француски државјанин бил избоден до смрт во Ксамил, Албанија, во инцидент што се случил во близина на плажа. Жртвата, Франсес Мигел Мендес, била пронајдена мртва на лежалка, а според информациите, на нападот му претходела расправија меѓу двајцата поради девојка. За убиството е осомничен 29-годишниот Сократ Вата, кој по нападот избегал и по него била започната полициска потрага. Според досегашните информации, Вата наводно го нападнал Французинот со нож, по што тој починал на местото на настанот. Албанската полиција работи на целосно расчистување на околностите и утврдување на сите детали за трагичниот настан, објави „Газета тема“.

Осомничениот има криминално досие во Англија

Истрагата дополнително го привлече вниманието поради криминалното минато на осомничениот, кој во Англија во април 2024 година двапати избегал од полицијата во период од само 17 дена. Во еден од случаите управувал автомобил со клонирани регистарски таблички, а по сообраќајката во возилото биле пронајдени кокаин и регистарски таблички. Во вториот случај, тој повторно избегал со украдена „Тојота РАВ4“, при што фрлил пакет кокаин во грмушка и се скрил во двор на куќа. Подоцна бил осуден на пет години затвор за дела поврзани со поседување дрога со намера за продажба и опасно возење, како и за поседување канабис и возење под дејство на дрога. Сега Вата е осомничен за убиството на 20-годишниот Французин во Ксамил, а полицијата продолжува со потрагата по него.