Кејн би можел да ја заврши кариерата во Баерн Минхен: Англичанецот не размислува за заминување

Среќен е во Баерн Минхен

Хари Кејн би можел да остане во Баерн Минхен до крајот на кариерата, откако англискиот напаѓач е целосно задоволен од животот во германскиот клуб. Кејн пристигна во Баерн во 2023 година од Тотенхем и веднаш се наметна како еден од лидерите на тимот. Неговиот договор со баварскиот гигант е до 2027 година, но постои можност соработката да биде продолжена. Кејн во повеќе наврати истакна дека се чувствува одлично во Минхен и дека неговото семејство добро се адаптирало на животот во Германија.

Баерн сака да го задржи својот голгетер

Англичанецот продолжува да биде една од најважните фигури во нападот на Баерн, каде редовно ја тресе противничката мрежа. Клубот е заинтересиран да го задржи и по истекот на актуелниот договор, а неговите настапи и влијание дополнително ја зголемуваат желбата за продолжување на соработката. Доколку двете страни постигнат договор, Кејн би можел да остане во Минхен и во позрелите години од кариерата. Тоа би значело дека еден од најдобрите англиски напаѓачи би можел своето последно професионално поглавје да го има токму во дресот на Баерн.