ОЛДТАЈМЕРИ ВО ИСТОЧНА МАКЕДОНИЈА: Кочани, Берово и Пехчево домаќини на изложби и рели

Кочани, Берово и Пехчево во сабота, 17 октомври, ќе бидат во знакот на класичните автомобили, со изложби на историски возила и етапа од „ВМ Класик источно рели“. Настаните ќе им овозможат на љубителите на олдтајмери одблизу да разгледаат ретки и автомобилски класици.

Олдтајмери на изложба во Кочани и Берово

Во Кочани, со поддршка на Општината, автомобилите учесници во релито ќе бидат изложени од 11:30 до 13:30 часот на големиот паркинг во Трговскиот центар. Настанот е отворен за граѓаните, кои ќе можат да ги разгледаат возилата и да се фотографираат со нив. Во Берово, изложба на ретро и класични автомобили ќе се одржи од 12 часот на градскиот плоштад, во рамки на петтото јубилејно издание на „Classic Car Tour ’26 – SPA, Wine & Mountain“, со најавена и музичка програма.

Рели-етапата завршува во Пехчево

Во Пехчево, во 15 часот на градскиот плоштад се очекува пристигнувањето на учесниците на третата етапа од „ВМ Класик источно рели“, по што ќе следува изложба на историските автомобили. Настаните се можност за посетителите да се запознаат со возила што сведочат за развојот на автомобилската индустрија. Воедно, изложбите и релито се дел од промоцијата на туристичките потенцијали на источниот регион.