ЧУДО ВО НЕПАЛ: Шестгодишно девојче е спасено живо по три дена поминати под кал и урнатини

Шестгодишно девојче е пронајдено живо под кал и урнатини, три дена по катастрофалните поплави што го погодија Непал. Припадници на вооружената полиција го слушнале нејзиниот плач додека го пребарувале теренот и веднаш започнале со спасувачката акција.

Плачот од под калта ги насочил спасувачите

Спасувачката акција се одвивала во областа Расувагади, во градот Тимуре, каде што екипите пребарувале по излевањето на реката Ботекоши. Откако го слушнале детскиот плач под насобраната кал, припадниците на полицијата започнале со ископување и успеале да го извлечат девојчето.

Првата помош ја добила на граничниот пункт

По спасувањето, на девојчето му била укажана прва медицинска помош поради повредите и нарушената здравствена состојба. Поради лошото време и ноќните услови, евакуацијата со хеликоптер била одложена, па девојчето ноќта ја поминало под лекарски надзор во граничниот пункт во Тимуре.

Следниот ден префрлено на лекување во Катманду

Откако временските услови се подобриле и состојбата на девојчето била стабилизирана, тоа со авион било префрлено во Катманду за понатамошно болничко лекување. Катастрофалните поплави во Непал досега однесоа 675 животи, додека повеќе од 2.400 лица сè уште се водат како исчезнати.