ДВОКРАТЕН РУСКИ ОЛИМПИЕЦ ЗАГИНА ВО ВОЈНАТА ВО УКРАИНА: Сергеј Кучеров почина на 46 години

Сергеј  настапи на Олимписките игри во Пекинг и Лондон

Поранешниот руски велосипедист Сергеј Кучеров, кој двапати настапил на Олимписките игри, загинал во војната во Украина на 46-годишна возраст, објави руската државна новинска агенција ТАСС. Кучеров ја претставувал Русија на Олимписките игри во Пекинг во 2008 година и во Лондон во 2012 година. На двата олимписки турнира се натпреварувал во екипен спринт, а руската екипа во Пекинг го освоила 12. место, додека во Лондон завршила на седмата позиција.

Не се објавени детали за околностите на смртта

Кучеров бил специјализиран за велосипедизам на писта и повеќепати бил шампион на Русија. Засега не се објавени информации за тоа каде точно загинал, во која воена единица служел или под кои околности настапила неговата смрт. Веста за загинувањето ја пренеле руските медиуми, повикувајќи се на ТАСС.