ЕКОСКОПЈЕ: Млади создадоа дигитална платформа за пријавување еколошки проблеми

Во Скопје е создадена нова дигитална платформа „Екоскопје“, наменета за пријавување еколошки проблеми во градот. Иницијативата е развиена од млади, со цел граѓаните полесно да укажуваат на загадување и други проблеми во животната средина.

Пријавување еколошки проблеми преку интернет

Платформата е развиена во рамки на проектот „SkopYEAH!“, кој го спроведува здружението „Лидери за едукација, активизам и развој“ (ЛЕАД), во соработка со Град Скопје и со финансиска поддршка од Европската Унија. Целта е да им се овозможи на скопјани полесно да пријавуваат проблеми поврзани со животната средина и да се поттикне нивното поефикасно решавање.

Промоцијата на ЕкоСкопјесе одржува со поддршка на Град Скопје и ЕУ

На промоцијата се најавени обраќања на градоначалникот на Скопје, Орце Ѓорѓиевски, претставникот на Европската комисија, Евоут Сендкер, и извршниот директор на ЛЕАД, Иван Јованов. Платформата е замислена како дигитална алатка преку која граѓаните ќе можат да укажуваат на еколошки проблеми во градот.