Крадeл делови од железничката пруга: Уапсен скопјанец, можел да ја загрози безбедноста на сообраќајот

Полициски службеници од СВР Скопје го лишиле од слобода 45-годишниот З.С. од Скопје поради сомнение дека извршил две тешки кражби на пригушници од железничката пруга. Кражбите биле регистрирани на подрачјата на Аеродром и Драчево, со што било загрозено безбедното функционирање на железничкиот сообраќај.

Украдените делови пронајдени и вратени на железничката

По пријавата, полицијата презела мерки и активности за расчистување на случајот, по што осомничениот бил приведен во Полициската станица Аеродром. Украдените предмети биле пронајдени и вратени на сопственикот, „Железници на РСМ“.

Ќе следува кривична пријава за скопјанец

Од Министерството за внатрешни работи информираат дека по целосното расчистување и документирање на случајот против 45-годишникот ќе биде поднесена соодветна пријава. Случајот повторно го отвора прашањето за заштитата на железничката инфраструктура, чие оштетување може да има сериозни последици по безбедноста на патниците и железничкиот сообраќај.