Даночен скандал во Струга: Фирма не пријавила обврски, Буџетот оштетен за 4,5 милиони денари

Управата за финансиска полиција поднела кривична пријава до Основното јавно обвинителство Струга против сопственик и управител на фирма, како и против правното лице, поради сомнение за даночно затајување. Според пријавата, Б.З. не признал како приход застарени и ненамирени обврски во вредност од 30.946.170 денари, кои биле прикажани во бруто-билансот за 2025 година. Финансиската полиција утврдила дека по овој основ не бил пресметан и платен данок на добивка од 3.094.617 денари.

Утврдени и неповратени позајмици

Инспекторите дополнително откриле позајмици кон физички лица во износ од 14.254.665 денари, кои биле евидентирани во книговодството, но не биле вратени до крајот на годината. Според Финансиската полиција, тие не биле евидентирани како непризнаени расходи за даночни цели, поради што не бил пресметан и платен дополнителен данок на добивка од 1.425.467 денари.

Буџетот оштетен за над 4,5 милиони денари

Со двете дејствија, според кривичната пријава, не биле пресметани, пријавени и уплатени даночни обврски во вкупен износ од 4.520.084 денари. Финансиската полиција го товари сопственикот и правното лице дека на овој начин го оштетиле Буџетот на државата.