Општина Тетово ја обновува патеката до Титов Врв – материјалната штета е околу 8.000 евра

Општина Тетово ќе финансира

Општина Тетово ќе ја финансира обновата на оштетената зимска планинарска маркација на патеката од Попова Шапка до Титов Врв. Над 45 столбови биле уништени во неодамнешен вандалски чин, а материјалната штета е проценета на околу 8.000 евра. Маркацијата била поставена од повеќе од 25 волонтери со поддршка на Австриската амбасада.

Поради уништената маркација се изгубил и турист

Последиците од уништувањето веќе се почувствувале на терен, бидејќи помалку од две недели по вандализмот, турист од Бугарија се изгубил додека планинарел во делот каде што биле отстранети столбовите. Со тоа дополнително се зголемила загриженоста за безбедноста на планинарите во овој дел од Шар Планина.

Обновата пред зимската сезона

Градоначалникот на Тетово, Билал Касами, најави дека Општината е подготвена финансиски да ја покрие обновата пред почетокот на зимската сезона, во координација со Националниот парк и партнерите од „Проектот Славков“. Од Австриската амбасада предупредуваат дека без соодветна маркација може да дојде до многу посложени спасувачки операции и поголеми трошоци, вклучително и ангажирање полициски хеликоптер.