ПОФАЛБИ ЗА ХАРИ КЕЈН: Англискиот голгетер е меѓу главните кандидати за „Златната топка“

Кејн зад себе има сезона со извонредни бројки

Хари Кејн, напаѓачот на Баерн Минхен и капитен на англиската репрезентација, е во центарот на вниманието во трката за „Златната топка“. Англичанецот зад себе има извонредна сезона, во која постигнал 73 гола на 65 натпревари, учинок што го ставил меѓу најсериозните кандидати за престижното признание. Кејн, сепак, останува воздржан и смета дека конечната одлука е во рацете на гласачите.

„Бројките зборуваат сами за себе“, вели голгетерот

Во интервју за „Марка“, Кејн истакнал дека минатата сезона била најдобра во неговата кариера, и индивидуално и тимски, но нагласил дека освојувањето на „Златната топка“ не зависи само од него. Со Баерн ја освоил двојната круна, а неговите голови дополнително ја засилиле неговата кандидатура. Англичанецот им се заблагодарил на соиграчите и на сите што му помогнале да ги постигне резултатите, додавајќи дека за наградата ќе одлучат оние што гласаат.