(ВИДЕО) ТЕПАЧКА ВО АЛБАНСКИОТ ПАРЛАМЕНТ: Пратеници се степаа на седница, обезбедувањето интервенираше

Физичкиот судир меѓу пратеници од власта и опозицијата ја прекина седницата на албанскиот парламент, откако политичките тензии во салата ескалираа во туркање и тепачка. Инцидентот започнал кога опозицискиот пратеник Фламур Нока се упатил кон местата на владејачкото мнозинство за да ги земе гласачките картички, а во расправијата се вмешале и други пратеници.

Тепачка ескалирала по расправија околу гласачките картички

Според медиумските извештаи, пратеникот Фидел Крека се судрил со поранешниот министер за внатрешни работи Ервин Хоџа, по што во тепачката се вмешале и други парламентарци. Пратениците се туркале и разменувале навреди, а парламентарното обезбедување интервенирало за да ги раздели. Седницата била прекината по околу еден час нарушувања. Инцидентот се случува во период на засилени политички тензии во Албанија, каде што се одржуваат протести против владата на премиерот Еди Рама.

Amid violent protests in #Albania, opposition and ruling majority MPs physically clashed in Parliament this Thursday.
#Protest https://t.co/uIHtHYi6K1

— Isa Myzyraj (@IsamyzyrajAlb) October 22, 2026