СОНЧЕВО И ТОПЛО, НО СО МОЖНИ ЛОКАЛНИ ВРНЕЖИ: Температурите денеска до 35 степени

Времето денеска во Македонија ќе биде сончево и топло, со мала до умерена локална облачност. Во попладневните часови на места ќе има услови за појава на краткотраен локален дожд. Ќе дува слаб до умерен ветер од северен правец, соопшти УХМР. Минималните температури ќе се движат од 10 до 19 степени, додека максималните ќе достигнат од 28 до 35 степени. Во Скопје се очекува сончево и топло време со мала облачност и слаб до умерен северен ветер. Максималната температура во главниот град ќе достигне околу 33 степени.

Попладне можен локален дожд

Иако денот ќе биде претежно сончев, во попладневните часови локално ќе има услови за краткотраен дожд. Врнежите ќе бидат со променлив интензитет и нема да ги зафатат сите места.

До 35 степени низ земјава

Според прогнозата, топлото време ќе продолжи и во наредните денови, со постепено зголемување на температурите. Граѓаните да бидат внимателни при изложување на сонце во најтоплиот дел од денот.