MOTOROLA ПОДГОТВУВА НОВО ИЗНЕНАДУВАЊЕ: Компанијата работи на телефон што се преклопува на три дела

Motorola наводно подготвува нов уред со кој би можела повторно да внесе новина на пазарот на преклопни смартфони. Станува збор за концепт на телефон со тројно преклопување, односно уред кој може да се свитка на три дела и да понуди значително поголем дисплеј. Според објавените фотографии, Motorola веќе експериментира со ваков дизајн, кој потсетува на таблет кога е целосно отворен.

Тројно преклопување за поголем екран

Прототипот има специфичен механизам со две шарки, што овозможува екранот да се преклопува во повеќе точки. Со тоа корисникот би можел да добие голема површина за работа, гледање содржини или мултитаскинг, а потоа уредот да го затвори до големина слична на класичен смартфон.

Засега станува збор за прототип

Од Motorola засега нема официјална потврда дека ваквиот телефон ќе се појави како комерцијален производ. Доколку проектот стигне до финална фаза, компанијата би можела да се приклучи на малата група производители кои експериментираат со тројно преклопни телефони. Останува да се види дали концептот ќе биде претворен во уред достапен за корисниците.