СОНЧЕВО И ТОПЛО, НО СО НЕСТАБИЛНО ВРЕМЕ: Температурите до 38 степени, попладне можни пороен дожд и грмежи

Денеска во Македонија се очекува сончево и топло време со мала до умерена локална облачност, но на места ќе има услови за нестабилност. Особено во попладневните часови се можни пороен дожд, грмежи и засилен ветер. Температурите ќе се движат до 38 степени, додека во повеќето места максималната температура ќе биде над 30 степени. Ќе дува слаб до умерен ветер од југозападен правец, а локално може да има и посилни налети при нестабилностите.

Во Скопје топло со мала до умерена облачност

Во Скопје денеска се очекува сончево и топло време со мала до умерена облачност. Ќе дува слаб до умерен ветер од променлив правец, а максималната температура ќе достигне околу 35 степени.

Попладне можни пороен дожд и грмежи

И покрај високите температури, на места се очекува локална нестабилност со пороен дожд, грмежи и засилен ветер. Граѓаните особено треба да бидат внимателни во попладневните часови кога временските услови може нагло да се променат.