ТЕЛЕФОНИТЕ ПОД КЛУЧ ВО УЧИЛИШТАТА: Нови правила за учениците во Бања Лука

објавено пред 2 дена

Основците во Бања Лука од денеска на часовите ќе бидат без мобилни телефони. Уредите пред почетокот на наставата ќе се оставаат во посебни шкафчиња, а учениците ќе ги земаат по завршувањето на часовите. Целта е да се намалат одвлекувањата и учениците да бидат повеќе фокусирани на наставата, но и да поминуваат повеќе време во директна комуникација со своите врсници.

Покрај ограничувањето на телефоните, во училиштата ќе има и полици со книги, а учениците ќе добијат и нови училишни униформи со мотиви инспирирани од традиционалниот змијански вез. Предвидени се и здрави ужинки, чии трошоци во најголем дел ќе ги покрива Град Бања Лука. Градоначалникот Драшко Станивуковиќ ги повика и родителите да користат апликација за заштита на децата од несоодветни содржини на интернет.

Погледнете го видеото: