(ВИДЕО) СВЕТОТ СЕ ЗАБАВУВА СО СНИМКИТЕ: Снуп Дог настапи на „свадбата на векот“ во Калифорнија

Снуп Дог бил музичко изненадување за младенците

Познатиот американски рапер Снуп Дог настапи на приватна ерменска свадба во Калифорнија, а снимките од неговиот настап брзо привлекоа големо внимание на социјалните мрежи. 54-годишниот музичар бил музичко изненадување на прославата на Вахе Чагласијан и неговата сопруга Кристина, кои се венчале на 13 септември во областа Беверли Хилс. Снуп Дог пред младенците и нивните гости ги изведувал своите познати хитови, меѓу кои „Nuthin’ but a ‘G’ Thang“, песната што ја сними со Др. Дре, и „Young, Wild & Free“ со Виз Калифа. Гостите го снимале настапот, па видеата од прославата подоцна се прошириле на социјалните мрежи.

По настапот се дружел со младенците

На снимките може да се види како младенците и гостите уживаат во настапот, додека Снуп Дог бил придружуван од диџејот Сами Флеш. По настапот, раперот се дружел со младоженците, ги прегрнал и им честитал, што дополнително ги воодушевило присутните. Диџејот подоцна објавил дел од снимките и го опишал настанот како „ерменска свадба на векот“, пофалувајќи се што повторно ја делел сцената со Снуп Дог. Видеата од необичниот настап повторно покажаа дека приватните настапи на светските музички ѕвезди можат да привлечат големо внимание кога снимките ќе се појават на интернет.

 

View this post on Instagram

 

A post shared by Rene Zadori (@rene.zadori)