(ВИДЕО) ТРАГЕДИЈА ВО ШПАНСКИОТ ФУДБАЛ: Почина 30-годишниот Хесус де Мигел по стравичен судир на теренот

Шпанскиот фудбалер Хесус де Мигел, напаѓач на Тенерифе, почина на 30-годишна возраст по тешката повреда што ја заработи на првенствениот натпревар против Андора. Несреќниот инцидент се случил во 97. минута, кога голманот на гостинскиот тим, Хесус Овоно, во обид да интервенира со коленото силно го удрил Де Мигел. Напаѓачот веднаш паднал во несвест, а на теренот доживеал и срцев застој. Судијата веднаш го прекинал натпреварот, а медицинските екипи успеале привремено да го реанимираат во возилото на итната помош, по што бил итно пренесен во болница. И покрај напорите на лекарите, тој им подлегнал на повредите и компликациите.

Драматични сцени на натпреварот против Андора

Судирот се случил при интервенција на голманот Овоно, кој ненамерно го удрил противничкиот напаѓач. Медицинските екипи веднаш реагирале, а на теренот следувале драматични моменти додека му била укажувана помош на фудбалерот. По првичната реанимација, Де Мигел бил пренесен во Универзитетската болница, каде што бил задржан на интензивна нега.

Фудбалските клубови се простуваат од Хесус де Мигел

По трагичната вест, Тенерифе, Шпанската фудбалска федерација и клубови ширум земјата упатиле сочувство до семејството, пријателите и соиграчите на Де Мигел. Неговата смрт предизвика голема тага во шпанската фудбалска јавност.

🔵⚪️ | Golpe fortísimo de Owono sobre Jesús de Miguel que hace que salten todas las alarmas. 🇪🇸👀

🙏🏼 Pronta recuperación a Jesús y que todo quede en un susto

🏟️ Tenerife – Andorra https://t.co/NXopIJ7p9H

— Laliga News (@laligaa_neews) November 2, 2026