ДАНОЦИ ЗА ПАРИЧНИ ПОДАРОЦИ И ДОБИВКИ: УЈП испраќа персонализирани известувања

УЈП проверуваат и приливи од странство

Управата за јавни приходи испраќа персонализирани известувања до граѓани за неевидентирани даночни обврски. Како што се наведува во објавата, УЈП проверува приливи од странство, донации, подароци и други добивки, а граѓаните добиваат рок да ги исполнат евентуалните даночни обврски. Од институцијата посочуваат дека не секој прилив од странство подлежи на оданочување и дека добивањето известување не значи автоматски дека граѓанинот должи данок.

Даночниот третман зависи од видот на приливот

Паричните подароци од семејството или познаници, како и одредени приливи преку Western Union, MoneyGram и слични сервиси, не се автоматски оданочливи. Од друга страна, хонорари, услуги, продажба на имот и приходи од фриленс-работа може да подлежат на оданочување, зависно од нивната природа. УЈП најавува дека граѓаните треба да ја проверат основата на приливот и дали имаат обврска за пријавување.