(ВИДЕО) ТРАГЕДИЈА КАЈ МОНТ ЕВЕРЕСТ: Се судрија два хеликоптера, загина турист

Два хеликоптера се судрија при обид за слетување во регионот на Монт Еверест во Непал, при што загина еден турист од Индија, а уште две лица се повредени. Несреќата се случила во близина на селото Периче, под базниот камп на највисокиот врв во светот, на надморска височина од околу 4.200 метри. Според локалните власти, во несреќата загинал 47-годишен индиски државјанин. Повредени се турист од Нов Зеланд и непалски пилот, а новозеландскиот државјанин бил спасен и требало да биде пренесен во Катманду на лекување.

Хеликоптерите се подготвувале за слетување

Во судирот учествувале летала на компаниите „Fishtail Air“ и „Dynasty Air“. Од „Fishtail Air“ соопштиле дека нивниот хеликоптер превезувал туристи кои претходно биле спасени од областа на Еверест и се урнал при слетувањето. Од друга страна, претставник на „Dynasty Air“ изјавил дека нивниот хеликоптер превезувал само товар. Засега нема целосни информации за бројот на патници во двете летала.

Трагедија која се случила во екот на туристичката сезона

Регионот на Еверест во овој период е особено посетен од планинари и туристи, а хеликоптерите се едно од главните средства за нивен транспорт и евакуација. Во областа нема патна инфраструктура, па леталата имаат важна улога во извлекувањето на туристи и планинари кои се разболуваат или се исцрпуваат на голема надморска височина.

Two helicopters collided while landing at the Pheriche helipad in Nepal’s Mt Everest region on Tuesday, leaving one passenger dead and a pilot injured, officials said. https://t.co/T8HMje2MWU

— Tanveer Abbas (@tanveer_abbas1) November 3, 2026