ЗЕМЈОТРЕС ГО ПОГОДИ ЕГИПЕТ: Епицентарот во близина на Суецкиот Канал

Земјотрес со јачина од 5,1 степен го погоди Египет рано утрово, соопшти Германскиот истражувачки центар за геонауки. Потресот бил регистриран околу 3 часот наутро по локално време. Епицентарот бил во близина на градот Фајед, кој се наоѓа на брегот на Суецкиот Канал. Земјотресот се случил на релативно мала длабочина од околу 10 километри.

Првичната процена била 5,3 степени

Американскиот геолошки завод првично ја проценил јачината на земјотресот на 5,3 степени, но подоцна ја коригирал на 5,0 степени. Разликите во првичните процени се вообичаени додека надлежните сеизмолошки служби ги обработуваат податоците од мерните станици.

Нема информации за жртви и штети

Засега нема извештаи за повредени или загинати лица, ниту за причинета материјална штета. Надлежните служби ја следат состојбата по потресот. Посилните земјотреси се релативно ретки во северноафриканските земји.