(ВИДЕО) ТИНЕЈЏЕРОТ МОРА СЛЕТA ВО РИМ: стотици навивачи на Рома го пречекаа големиот талент

Мора пристигна од Порто во Рим – Рома за 50 милиони евра

Стотици навивачи на Рома го пречекаа 19-годишниот Португалец Родриго Мора, кој пристигна во Рим за да го комплетира трансферот во италијанскиот клуб. Мора доаѓа од Порто и игра на позицијата офанзивен играч за врска, а неговото доведување било голема желба на тренерот Џанпјеро Гасперини. Рома долго време преговарала со португалскиот клуб, а двете страни договориле трансфер вреден 50 милиони евра. Половина од сумата ќе биде исплатена веднаш, додека останатите 25 милиони евра ќе бидат исплатени до 2027 година. Со оглед на големите очекувања од младиот фудбалер, Рома веднаш поставила отштетна клаузула од дури 120 милиони евра.

Еуфоричен пречек на римскиот аеродром

Пристигнувањето на Мора во Рим предизвикало голема еуфорија меѓу навивачите на Рома, кои во голем број го пречекале на аеродромот. „Романистите“ со песни и навивачки извици му посакале добредојде на младиот Португалец, покажувајќи дека од него очекуваат многу во дресот на „волчицата“. Мора важи за еден од најталентираните млади фудбалери од Португалија, а Рома верува дека направила голема инвестиција за иднината.

🟡🔴✈️ Rodrigo Mora has arrived to join AS Roma, welcomed by the fans. 🇵🇹@gabspalletta 🎥 pic.twitter.com/wToS5YWNF8

— Fabrizio Romano (@FabrizioRomano) August 18, 2026