ВЕРСТАПЕН ГО ПРОДОЛЖИ ДОГОВОРОТ СО РЕД БУЛ: Холанѓанецот останува до 2028 година

Нов договор за четирикратниот светски шампион

Макс Верстапен и официјално ја продолжи соработката со Ред Бул и ќе остане во тимот до крајот на 2028 година. Холандскиот возач на тој начин стави крај на шпекулациите за негово можно заминување и останува верен на тимот со кој ги освои сите четири светски шампионски титули. Верстапен во Ред Бул пристигна во 2016 година и досега оствари голем број победи и рекорди во Формула 1. Новиот договор покажува дека австрискиот тим и понатаму сериозно смета на него како лидер на својата екипа. Ферстапен ќе има можност да продолжи да се бори за нови титули и во наредните сезони.

Ред Бул го задржа Макс Верстапен

Продолжувањето на договорот е значајно и за Ред Бул, кој со задржувањето на Верстапен обезбедува континуитет околу својот најважен возач. Холанѓанецот досега освои четири последователни титули во периодот од 2021 до 2024 година и стана една од најголемите ѕвезди во историјата на Формула 1. Со новиот договор,Верстапен ќе биде дел од Ред Бул и во новата регулаторна ера на Формула 1, која носи големи промени во болидите и погонските единици. Целта на тимот е повторно да изгради конкурентен болид со кој Верстапен ќе може да се бори за највисоките места.