СТУДЕНО УТРО, СОНЧЕВ И ТОПОЛ ДЕН: температурите денес до 29 степени

Утрото денеска ќе биде ведро и студено, но во текот на денот се очекува сончево и релативно топло време. Ќе дува слаб ветер од променлив правец. Минималните температури ќе се движат од -3 до 6 степени, додека максималните ќе достигнат од 21 до 29 степени. Најтопло ќе биде во југоисточните делови од земјата, каде што температурата ќе достигне до 29 степени.

Во Скопје сончево и релативно топло

Во Скопје ќе биде сончево и релативно топло, со слаб ветер од јужен правец. Утринската температура ќе се спушти до 4 степени, додека дневната максимална температура ќе достигне 24 степени. Стабилното и сончево време ќе преовладува во текот на целиот ден.

Студени утра и во наредните денови

И во наредниот период се очекуваат студени утра, но дневните температури ќе останат релативно високи за почетокот на октомври. Во попладневните часови времето ќе биде претежно сончево, со температури над 20 степени во поголем дел од земјата.