ТРАМП ЗА ПРОТЕСТИТЕ ВО ФРАНЦИЈА: причината е масовната миграција и исламот, а не училиштата

Американскиот претседател Доналд Трамп се огласи за масовните протести во Франција, тврдејќи дека причината не се проблемите во училиштата, туку масовната миграција и исламот. Трамп во објава на платформата Truth Social оцени дека станува збор за „неконтролирана масовна миграција“ и изнесе тврдење дека протестите се поврзани со исламот.

Протестите започнаа поради состојбата во училиштата

Демонстрациите во Франција започнаа како ученичко движење поради состојбата во средните училишта, недостигот од кадар и условите за работа. На протестите потоа им се приклучија наставници, родители и синдикати, а дел од собирите беа проследени со судири со полицијата, пожари и немири.

Стотици илјади луѓе на улиците

Според француското Министерство за внатрешни работи, во протестите учествувале околу 256.000 луѓе низ земјата, од кои 56.000 во Париз. Синдикатите, пак, изнесоа значително повисока бројка и тврдат дека на протестите имало околу 450.000 учесници, од кои 100.000 во главниот град.