Економија
Дознај прв
НОВИ ЦЕНИ НА ГОРИВАТА: Бензините поевтини, дизелот поскап од денеска
Од денеска бензинот БС-95 чини 96 денари, БС-98 е 98 денари, а дизелот поскапе на 99 денари за литар. Нови цени објави РКЕ.
Од денеска, 20 октомври, на бензинските станици во Македонија важат нови цени на горивата. Бензините ЕУРОСУПЕР БС-95 и БС-98 поевтинија за 2,50 денари за литар, додека дизелот и екстра лесното масло за домаќинство поскапеа за два денари. Одлуката ја донесе Регулаторната комисија за енергетика (РКЕ), а новите цени стапија во сила на полноќ.
Колку чинат бензинот и дизелот?
Со новата одлука, литар ЕУРОСУПЕР БС-95 се продава по максимална цена од 96 денари, а БС-98 чини 98 денари. Дизелот поскапе на 99 денари за литар, додека екстра лесното масло за домаќинство достигна 110,50 денари.
Поскапува и мазутот
Цената на мазутот М-1 НС се зголеми за 1,837 денари за килограм и сега изнесува 53,579 денари. Со новата одлука, малопродажните цени на нафтените деривати во просек се зголемени за 0,49 проценти во однос на претходната одлука од 13 октомври.
