АПАСИЕВ ЗА ПРЕСУДАТА ЗА ТАЧИ: Ај честито, па и за „водството на ОНА“ да си дочекаме слични пресуди!

Лидерот на Левица, Димитар Апасиев, се огласи на Фејсбук по денешната пресуда на Хашкиот суд против поранешниот косовски претседател Хашим Тачи. Тачи беше осуден на 25 години затвор за воени злосторства, меѓу кои убиство, тортура, сурово постапување и незаконско или произволно лишување од слобода.

По пресудата, Апасиев напиша: „Ај честито, па и за „водството на ОНА“ да си дочекаме слични пресуди!“. Иако не наведува имиња, со споменувањето на „водството на ОНА“ Апасиев алудира на тогашните високи раководители на организацијата, меѓу кои Али Ахмети и Талат Џафери. Во предметот против Тачи и уште тројца поранешни лидери на УЧК, Хашкиот суд утврди одговорност за четири точки поврзани со воени злосторства. Покрај Тачи, Јакуп Красниќи е осуден на 25 години, Кадри Весели на 18, а Реџеп Селими на 13 години затвор. Пресудата е првостепена, а страните имаат право на жалба.