АЗЕСКИ СО АПЕЛ ДО ИНСТИТУЦИИТЕ: Да се заштити капиталот на граѓаните и фирмите на Алта банка

Претседателот на Стопанската комора на Македонија, Бранко Азески, повика да се искористат сите законски механизми за заштита на капиталот на граѓаните и компаниите во случајот со Алта банка Битола. Тој оцени дека е неопходно институциите да постапуваат во рамките на своите надлежности и да обезбедат заштита на економските интереси на клиентите. Азески посочи дека последиците од состојбата не ги засегаат само граѓаните, туку и компаниите кои имаат деловни односи со банката.

Според него, важно е да се преземат сите расположливи законски мерки за да се зачува довербата во финансискиот систем. Неговата реакција доаѓа во период кога Алта банка ги затвори експозитурите за работа со клиенти, а повлекувањето средства е ограничено. Од Стопанската комора бараат институциите да постапат со цел да се заштитат средствата на граѓаните и стопанството.

Освен Азески, се огласи и гувернерот Трајко Славески.

Славески: Повеќе од доволни се 10.000 денари неделно од Алта банка Битола, тоа е според просечната месечна плата