БИТОЛА ДЕНЕС ЖИВЕЕШЕ СО СПОРТОТ: Над 1.500 тркачи од 18 земји на „ТРЧАЈ БЕ 2026“

Соборени рекорди на битолската патека

Битола денес беше во знакот на трчањето, каде над 1.500 учесници од 18 земји беа дел од осмото издание на спортската манифестација „ТРЧАЈ БЕ 2026“. Свежото утро создаде одлични услови за трката, а годинава беа постигнати и најбрзите времиња досега на битолската патека. Соборени се и рекорди на манифестацијата, што дополнително го збогати спортскиот настан. Учесниците беа бодрени од бројна публика, волонтери и граѓани кои придонесоа за одличната атмосфера.

Спортот ја промовира Битола

„ТРЧАЈ БЕ“ не е само спортски настан, туку и можност за промоција на Битола како отворен и активен град и значајна дестинација за спортски туризам. Од Општина Битола упатија честитки до организаторите, учесниците, волонтерите, институциите и сите кои помогнаа во реализацијата. Посебни честитки беа упатени до победниците и до сите над 1.500 тркачи кои денес ја истрчаа Битола.