ЦРКОВНАТА НОВА ГОДИНА: Денеска започнува новиот богослужбен круг

Почеток на нова духовна година

Македонската православна црква – Охридска архиепископија и православните цркви кои се раководат според јулијанскиот календар денеска ја одбележуваат Црковната Нова година, односно 1 септември според стариот календар. Празникот го означува почетокот на новиот годишен богослужбен циклус, познат како индикт, и носи порака за духовна обнова, мир, љубов и исполнување на христијанските добродетели. Според црковното предание, празникот потсетува на настан од земниот живот на Исус Христос, кога во синагогата во Назарет ја прочитал книгата на пророкот Исаија и објавил дека се исполнило пророштвото за „благопријатната година Господова“.

Ден за молитва, мир и духовно преиспитување

Црковната Нова година била востановена на Првиот вселенски собор во Никеја во 325 година, а септември во црковната традиција се смета за почеток на новиот богослужбен круг. На овој ден верниците се молат за мирни времиња, здравје, благосостојба, љубов и добар живот, но и за отстранување на раздори, немири и меѓусебни конфликти. Празникот е потсетник дека новиот богослужбен циклус треба да биде и можност за духовно преиспитување, покајание и обновување. Пораката е новата година да започне со добри дела, љубов кон ближните и посветеност кон христијанските вредности.