(ФОТОГАЛЕРИЈА) 30.000 СКОПЈАНИ НА ЕКО-АКЦИЈА: Ѓорѓиевски порача дека промените почнуваат од секој од нас

Околу 30.000 граѓани денеска учествувале во големата еко-акција за чистење на Скопје, соопшти градоначалникот Орце Ѓорѓиевски, заблагодарувајќи им се на сите што се вклучиле во акцијата. Тој оцени дека масовниот одѕив е доказ дека скопјани сакаат почист град и се подготвени активно да придонесат за промени. Во акцијата учествувале општински екипи, млади, волонтери и граѓани, кои заеднички работеле на расчистување на јавните површини.

Ѓорѓиевски: Скопје се сака со дела

„Денес повторно, околу 30.000 причини да веруваме во силата на овој град“, порача Ѓорѓиевски, нагласувајќи дека љубовта кон Скопје се покажува преку конкретни постапки. Тој посочи дека секоја улица, секое соседство и секој заеднички простор заслужуваат грижа и одговорност. Градоначалникот им се заблагодари на сите учесници и истакна дека нивниот пример треба да го следи целото Скопје.

Најави продолжување на акциите

Ѓорѓиевски најави дека еко-акциите ќе продолжат и во следниот период, со цел грижата за чистотата да стане секојдневна навика. Тој ги повика граѓаните да го чуваат заедничкиот простор, да не фрлаат отпад и да не дозволат повторно создавање диви депонии. Според него, само со заедничка одговорност може да се обезбеди почиста и поздрава животна средина за сегашните и идните генерации.