ХРВАТСКА ВОВЕДУВА ДОЖИВОТЕН ЗАТВОР: Казната ќе важи за 15 од најтешките кривични дела

Нови правила во Хрватска од 2027 година

Хрватската влада предложи измени на Кривичниот законик со кои за првпат се воведува можноста за доживотен затвор. Доколку измените бидат усвоени, од 1 јануари 2027 година судовите ќе можат да изрекуваат доживотна казна за 15 од најтешките кривични дела. Мерката е дел од поширокиот пакет реформи во кривичното право и усогласувањето со европското законодавство.

Построги казни и за екоцид и суровост кон животните

Со реформата се предлага и воведување на ново кривично дело „екоцид“, за случаи на катастрофална, долготрајна и неповратна штета врз воздухот, водата, почвата и екосистемите. За најтешките случаи на загадување ќе може да се изрече казна од 10 години затвор до доживотен затвор, без можност за застарување. Се зголемуваат и казните за намерно предизвикување пожари, а се зајакнува и заштитата на животните преку нови кривични дела и построги санкции.