ИСТРАГА ЗА МОЖНО УБИСТВО ВО ЃОРЧЕ ПЕТРОВ: 76-годишна жена пронајден мртов со траги на насилство

76-годишна жена била пронајдена мртва во својот дом на улицата „Ѓурчин Кокале“ во скопската општина Ѓорче Петров. Случајот бил пријавен денеска (27 октомври) во 9:18 часот во СВР Скопје од страна на М.А., која ја пронашла својата мајка О.А. без знаци на живот. Лекар од Итната медицинска помош констатирал смрт со видливи траги на насилство.

Телото е дадено на обдукција

На местото бил извршен увид, а по наредба на јавен обвинител телото на починатата било предадено на обдукција. Засега нема дополнителни официјални детали за околностите под кои настапила смртта.

Полицијата од Ѓорче Петров презема мерки

Од надлежните институции се преземаат мерки за расчистување на случајот и утврдување на причините за смртта. Се очекуваат повеќе информации од Министерството за внатрешни работи.