МАКЕДОНИЈА ЈА ПОТОПИ АВСТРИЈА: Доминација од првата до последната минута

Македонската кошаркарска репрезентација со убедлива победа над Австрија го започна настапот во втората претквалификациска рунда за пласман во квалификациите за Европското првенство во 2029 година со 59 – 91. Натпреварот во Виена беше одлична можност за „црвено-жолтите“ да покажат дека серијата добри резултати не е случајност, а избраниците на Жозеп Мариа Берокал одиграа доминантно уште од самиот почеток. Македонија по првата четвртина имаше предност од 28:14, со што веднаш го презеде целосниот контрол над натпреварот. До крајот разликата само се зголемуваше, а македонските кошаркари рутински го приведоа мечот до крај. Особено се очекуваше многу од новиот репрезентативец Мозес Рајт и Ненад Димитријевиќ, кои беа меѓу главните адути на Македонија во Виена. Со овој триумф Македонија направи голем чекор во борбата за првото место во групата Ф, во која се и Австрија и Кипар.

Македонија тргна фуриозно

„Црвено-жолтите“ одиграа одлично уште во првите 10 минути и со сериозна разлика ја најавија победата. Австрија не успеа да го пронајде одговорот на играта на Македонија, која ја контролираше средбата и во продолжението.

Важна победа на патот кон Евробаскет 2029

Триумфот во Виена има големо значење за Македонија бидејќи само првопласираната селекција од групата ќе обезбеди директен пласман во следната квалификациска рунда. Следниот натпревар Македонија ќе го одигра на 26 ноември против Кипар на домашен терен.