МЗТ СКОПЈЕ ЈА ОТВОРА СЕЗОНАТА СО ДЕРБИ: Шампионот против Куманово во првото коло

Стартот на сезоната на 3 и 4 октомври

Новата сезона во македонската кошаркарска Суперлига ќе започне во првиот викенд од октомври, односно на 3 и 4 октомври 2026 година. Актуелниот шампион МЗТ Скопје Аеродром ја започнува одбраната на титулата на домашен терен против амбициозниот состав на Куманово. Во првото коло ќе се одиграат уште четири натпревари, а лигата оваа сезона ќе брои 10 екипи.

Ова се сите двојки од првото коло

Покрај дуелот МЗТ Скопје Аеродром – Куманово, во првото коло ќе играат и Струмица – Работнички, Пелистер – ТФТ, Скопје – Кожув и Штип – Тиквеш. Во новата сезона дебитант во Суперлигата е Штип, додека Струмица се враќа во највисокото друштво. Посебно внимание привлекува и дуелот во Битола меѓу Пелистер и ТФТ, кои влегуваат со реконструирани состави.