НЕМА ТВ ПРЕНОС ЗА МАКЕДОНИЈА: Дуелот со Австрија ќе може да се следи само преку овој линк

Македонските љубители на кошарката нема да можат да го гледаат на телевизија денешниот натпревар меѓу Австрија и Македонија од претквалификациите за Европското првенство во 2029 година. Дуелот во Виена започнува во 16:05 часот, но за македонската публика нема обезбеден телевизиски пренос.

Само австриски ТВ-пренос

Натпреварот ќе биде пренесуван на австриската телевизија ORF Sport +, но таа не е достапна како телевизиски пренос за македонските гледачи. Македонија во мечот влегува со амбиција да продолжи со победничката серија и да направи важен чекор кон првото место во групата.

Ќе има начин да се следи натпреварот на Македонија

Иако нема телевизиски пренос кај нас, за натпреварот е обезбеден интернет-стрим, па навивачите ќе можат да ја следат Македонија онлајн. Во Виена се очекува и силна поддршка од македонската „Фаланга“, која најави масовно присуство на трибините.