(ВИДЕО) ГОЛЕМ ПОЖАР ВО НОРВЕШКА: Уништени повеќе од 50 куќи, силниот ветер го отежнувал гаснењето

Повеќе од 50 куќи се уништени во голем пожар што избувна во близина на градот Драмен, во јужниот дел на Норвешка. Според првичните информации од спасувачките служби, нема загинати ниту исчезнати лица.

Густ црн чад ја покрил областа

Пожарот зафатил населба со голем број меѓусебно поврзани куќи, додека густ црн чад се издигнувал над областа, која се наоѓа на околу 50 километри западно од главниот град Осло.

На терен биле испратени голем број пожарникари и спасувачки екипи, кои се обидувале да спречат огнената стихија да се прошири кон останатите објекти.

Силниот ветер го отежнувал гаснењето

Акцијата за локализирање и гаснење на пожарот била значително отежната поради силниот ветер, кој придонесувал пламенот брзо да се шири низ населбата.

Норвешките служби продолжуваат да ја следат состојбата и да ја проценуваат материјалната штета, а причината за избувнувањето на пожарот засега не е соопштена.

JUST IN: Massive fire in Drammen, Norway destroys over 100 homes https://t.co/OKz8NyGnf4 pic.twitter.com/rLKXlhEqgv

— Rapid Report (@RapidReport2025) July 17, 2026