Спорт
Дознај прв
(ВИДЕО) Комити со огномет ги разбудија ракометарите на Пелистер -„ДОДЕКА СКОПЈЕ НЕ СПИЕ, НЕМА ДА СПИЕТЕ НИ ВИЕ!“
Комити во два часот по полноќ со огномет и песната „О Сузана“ ги разбудија ракометарите на Пелистер во Маџари, пред дербито со Вардар.
Ноќта пред големото ракометно дерби меѓу Вардар и Еурофарм Пелистер донесе навивачка провокација во Скопје. Во два часот по полноќ, Комити им приредија огнено изненадување на ракометарите на битолскиот тим, кои се сместени во населбата Маџари. Со огномет и песната „О Сузана“, скопските навивачи ги разбудија гостинските играчи, испраќајќи им порака: „Додека Скопје не спие, нема да спиете ни вие!“.
Комити им возвратија на Чкембари
Со оваа акција, навивачите на Вардар им возвратија на Чкембари за случувањата од 10 декември 2025 година, кога битолската навивачка група не им дозволи на ракометарите на Вардар мирно да ја поминат ноќта пред дербито. Овојпат улогите се сменија, па скопјани решија да приредат слично изненадување за своите ривали.
Дербито започнува уште пред првиот свиреж
Ривалството меѓу двете навивачки групи доби нова епизода уште пред почетокот на натпреварот. Атмосферата дополнително се вжешти пред дуелот, кој секогаш носи големи очекувања кај навивачите на двата клуба. Вистинската пресметка меѓу Вардар и Пелистер допрва следува на ракометниот терен. Дербито е закажано денес од 17:45 часот
View this post on Instagram
