ЖДРЕПКА ЗА ЛИГАТА НА ШАМПИОНИ: Седум двомечи за место во европската елита

Со ждрепка во седиштето на УЕФА во Нион беа одредени двојките за плејофот во Лигата на шампионите. Во оваа рунда ќе се одиграат седум двомечи, а победниците ќе ги пополнат последните слободни места во лигашката фаза. Првите натпревари се закажани за 18 и 19 август, додека реваншите ќе се играат на 25 и 26 август. Поразените екипи нема да продолжат во Конференциската лига, туку директно ќе се преселат во лигашката фаза на Лига Европа.

Селтик го доби ЛАСК, можен дуел Фенербахче – Лион

Селтик во плејофот ќе игра против австриски ЛАСК, додека победникот од двомечот Фенербахче – Штурм ќе се сретне со подобриот од пресметката Спарта Прага – Лион. Олимпијакос или НЕК Нејмеген ќе игра против Унион Сен Жилоа или Бодо/Глимт. Победникот од Левски – Каират ќе се соочи со АЕК, а подобриот од Динамо Загреб – Кауно Жалгирис ќе игра против Викинг.

Сите двојки од плејофот

Победникот од Хапоел Бер Шева – Црвена звезда ќе игра против подобриот од Архус – Сабах. Последниот двомеч го сочинуваат победниците од пресметките Мјалби – Слован Братислава и Арарат-Ерменија – Цеље. Ждрепката за лигашката фаза, во која ќе настапат 36 клуба, е закажана за 27 август.