13 ЛИЦА ПРИВЕДЕНИ ВО ПОЛИЦИСКИ АКЦИИ НИЗ МАКЕДОНИЈА: Пронајдени марихуана, таблети и прашкасти материи

Вкупно 13 лица на возраст од 18 до 46 години биле лишени од слобода во повеќе полициски акции за дрога спроведени на 30 и 31 октомври во неколку градови низ Македонија. Акциите биле реализирани во Скопје, Прилеп, Демир Капија, Боговиње и Штип, информира Министерството за внатрешни работи. При контролите биле пронајдени и одземени марихуана, бела прашкаста и грутчеста материја, таблети и други предмети со прашкаста содржина. На подрачјето на Скопје биле приведени повеќе лица, меѓу кои и жител на Илинден. Во Прилеп, пак, затворската полиција при преглед на осудено лице открила прашкаста материја, таблети во различни бои и предмети со непозната прашкаста содржина.

Акции во Боговиње и Демир Капија

Во Боговиње бил приведен 44-годишен жител на селото Пирок, кај кого била пронајдена марихуана. Во Демир Капија полицијата лишила од слобода 29-годишен жител на Корешница, кај кого биле откриени бела прашкаста материја и таблета.

Скопјанец фатен со марихуана во Штип

Во Штип, полициските службеници затекнале 26-годишен скопјанец како користи марихуана. Тој го фрлил отпушокот, кој подоцна бил пронајден и одземен од полицијата. За сите случаи биле известени надлежните органи, а од МВР најавуваат дека по целосното документирање ќе бидат поднесени соодветни пријави.