Хроника
Дознај прв
(ВИДЕО) ОТКРИЕН И САНКЦИОНИРАН КАМИОНЏИЈАТА: Истурал градежен шут на зелена површина во Карпош
МВР го откри А.А. (50) од Скопје, кој со камион „Мерцедес“ истурал градежен шут на зелена површина во Карпош. преземени се законски мерки.
Полицијата го откри и санкционира лицето кое со камион истурало градежен шут на зелена површина во општина Карпош. Станува збор за А.А. (50) од Скопје, кој денеска (30 октомври) бил повикан во Полициската станица Карпош по претходно објавени видеоснимки на социјалните мрежи.
Идентитетот утврден по објавените снимки во Карпош
На видеата се гледа како машко лице со товарно возило „Мерцедес“ со скопски регистарски ознаки истура градежен шут на зелена површина. По преземените полициски мерки и активности, бил утврден идентитетот на лицето, кое било повикано во полициска станица. Со него бил извршен службен разговор.
Постапувал и општинскиот инспекторат
Во координација со Инспекторатот за животна средина при Општина Карпош биле преземени соодветни законски мерки. Од МВР информираат дека случајот е откриен по видеоснимките што претходно се појавија на социјалните мрежи.
