ПРЕТРЕС ВО ВЕЛЕС: Пронајдени дрога, дигитални ваги и пари, уапсен 49-годишник

Полицијата уапси 49-годишен велешанец по претрес на неговото возило и дом, при што биле пронајдени и одземени бела грутчеста и прашкаста материја, дигитални ваги и пари. Лицето со иницијали С.С. било лишено од слобода на 29 октомври, во 20:15 часот, од страна на полициски службеници од Отсекот за недозволена трговија со дрога при СВР Велес.

Дрога пронајдена во автомобил и во домот

При преглед на патничко возило „мерцедес“ со велешки регистарски ознаки, кое го управувал осомничениот, била пронајдена бела грутчеста материја. По наредба на Основниот суд во Велес, полицијата извршила претрес и во неговиот дом, каде биле пронајдени дополнителна бела грутчеста и прашкаста материја, дигитални ваги, пари и други предмети.

Ќе следува кривична пријава

С.С. бил задржан во полициска станица, а за случајот бил известен и јавен обвинител. Од МВР информираат дека по целосното документирање на настанот против него ќе биде поднесена кривична пријава по брза постапка.