ЕВРОПА ИСКЛУЧЕНА ОД ПРЕГОВОРИТЕ ЗА УКРАИНА: Москва потврди разговори со Киев и Вашингтон без европско учество

Европските претставници нема да учествуваат во трилатералните технички преговори меѓу Украина, САД и Русија, планирани за почетокот на ноември, изјави Јуриј Ушаков, помошник на рускиот претседател Владимир Путин. Според него, постигнат е договор разговорите да се одржат без присуство на Европа, а точниот датум на средбата наскоро ќе биде објавен. Ушаков не ја потврди изјавата на украинскиот претседател Володимир Зеленски дека состанокот би можел да се одржи на 10 ноември.

„Можат да дојдат ако купат билети“

„Тие можат да дојдат ако купат билети, но никој нема намера да ги покани на преговарачка маса“, изјави Ушаков, според руските медиуми. Тој претходно најави дека Москва е подготвена да ги продолжи трилатералните разговори со САД и Украина по 4 ноември. Зеленски, пак, соопшти дека постојат индикации оти Русија сериозно размислува за средба на преговарачките тимови во Абу Даби, по разговорите меѓу европските лидери и рускиот претседател.

Договорот за средба сè уште се чека

Украинскиот претседател нагласи дека одржувањето на состанокот на техничките тимови од Украина, САД и Русија зависи од американската страна. Во меѓувреме, „Телеграф“ објави дека Москва би можела да се обиде да ја искористи новата рунда мировни преговори за да издејствува отстапки од НАТО. Засега не е потврден точниот датум на разговорите, ниту се објавени дополнителни детали за нивниот формат и агенда.