УАПСЕН РОМАНЕЦ НА ГРАНИЧНИОТ ПРЕМИН ДЕЛЧЕВО: Во багажот пронајдени марихуана и ЛСД

38-годишен државјанин на Романија бил лишен од слобода на граничниот премин Делчево, откако полицијата во неговиот багаж пронашла дрога. Случајот се случил вчера во 23:30 часот, кога лицето пристигнувало во државата. При извршен преглед, полициските службеници пронашле и одзеле две тегли со марихуана и ЛСД.

ЛСД и марихуаната пронајдени при контрола на багажот

Станува збор за 38-годишниот П.Л.О. од Романија, кој бил контролиран од полициски службеници на ГП Делчево при Регионалниот центар за гранични работи Исток. По пронаоѓањето на дрогата, тој бил лишен од слобода и задржан во полициска станица.

1

Ќе следува соодветна пријава

За случајот бил известен јавен обвинител, а по целосното документирање на настанот против романскиот државјанин ќе биде поднесена соодветна пријава.